அரசு, மாகாண சேவைகளில் 70,000 புதிய ஆட்சேர்ப்பு – 12,309 பட்டதாரிகளுக்கு வேலை வாய்ப்பு.!!!
பொது நிர்வாகம், மாகாண சபைகள் மற்றும் உள்ளூராட்சி அமைச்சகத்தினால் அரச சேவை, மாகாண அரச சேவை, கூட்டுத்தாபனங்கள் மற்றும் உள்ளூராட்சி சபைகளில் சுமார் 70,000 பேரை ஆட்சேர்ப்பு செய்வதற்கு அனுமதி வழங்கப்பட்டுள்ளது என அமைச்சர் சந்தன அபேரத்ன நாடாளுமன்றத்தில் அறிவித்துள்ளார்.
இன்று (19) நடைபெற்ற 2026ஆம் ஆண்டுக்கான பொது நிர்வாக, மாகாண சபைகள் மற்றும் உள்ளூராட்சி அமைச்சின் ஒதுக்கீட்டு மசோதா மீதான குழு அமர்வின் போது அவர் பேசினார்.
அவர் மேலும் கூறியதாவது: அரசு துறையில் பட்டதாரிகளுக்கான வேலை வாய்ப்புகள் அதிகப்படுத்தப்பட்டுள்ளன. இதன்படி 12,309 பட்டதாரிகளை ஆட்சேர்ப்பு செய்வதற்கான ஒப்புதல் ஏற்கனவே வழங்கப்பட்டுள்ளது.
அரசு துறையில் ஏற்பட்டுள்ள மனிதவள பற்றாக்குறையை தீர்க்கவும், இளைஞர்களுக்கு வேலைவாய்ப்புகளை உருவாக்கவும் இந்த ஆட்சேர்ப்புகள் முன்னெடுக்கப்படுவதாக அமைச்சர் குறிப்பிட்டார்.
