அமெரிக்க கடற்படைக் கப்பலான; ‘USS Santa Barbara – கொழும்பு துறைமுகத்தை வந்தடைந்தது.!!!
(கற்பிட்டி எம் எச் எம் சியாஜ்)
அமெரிக்க கடற்படைக் கப்பலான ‘USS Santa Barbara’(LCS32) இன்று (16) காலை கொழும்பு துறைமுகத்திற்கு விநியோக மற்றும் சேவை தேவைகளை பூர்த்தி செய்ய வந்தடைந்தது, இந்தக் கப்பலை இலங்கை கடற்படையினர் கடற்படை மரபுகளின்படி வரவேற்றனர்.
கொழும்பு துறைமுகத்தை வந்தடைந்துள்ள Littoral Combat வகைக் கப்பலான ‘USS Santa Barbara’(LCS32), அமெரிக்காவின் 7வது கடற்படைப் படையைச் சேர்ந்த ஒரு கப்பலாகும், 127.6 மீட்டர் நீளம் கொண்டதுடன் இந்தக் கப்பலின் கட்டளை அதிகாரியாக கமாண்டர் A. J. OCHS கடமையாற்றுகின்றார்.
‘USS Santa Barbara’ தீவில் தங்கியிருக்கும் காலப்பகுதியின் போது, அதன் அங்கத்தவ குழுவினர்கள் தீவின் முக்கியமான இடங்களைப் பார்வையிட பல பகுதிகளுக்குச் செல்ல திட்டமிடப்பட்டுள்ளனர், மேலும் உத்தியோகபூர்வ விஜயத்தின் முடிவில் 2025 ஆகஸ்ட் 22 அன்று தீவை விட்டுப் புறப்பட திட்டமிடப்பட்டுள்ளது.
