புதிய கட்டணங்களை அறிவித்தது – இலங்கை பொலிஸ்.!!!
பொதுமக்களுக்கு வழங்கப்படும் சேவைகளுக்கான திருத்தப்பட்ட கட்டண அமைப்பை இலங்கை பொலிஸ் வெளியிட்டுள்ளது.
இதன்படி, வெளிநாட்டு பயணம் மற்றும் தொடர்புடைய நிகழ்நேர சேவைகளுக்கான பொலிஸ் அனுமதி அறிக்கையைப் பெறுவதற்கு இப்போது 5,000 அறவிடப்படும்.
ஒளிபரப்பு அனுமதிகளுக்கான கட்டணம் கால அளவைப் பொறுத்தது: ஆறு மணி நேரம் வரை 500 ருபாய், ஆறு முதல் பன்னிரண்டு மணி நேரம் 1,000 ருபாய் மற்றும் பன்னிரண்டு மணி நேரத்திற்கு மேல் 2,000 ருபாய்.
மத்திய கிழக்கு நாடுகளுக்கான பிரதேச பொலிஸ் நிலையங்களால் வழங்கப்படும் பொலிஸ் அறிக்கைகளுக்கு 500 ருபாய் வசூலிக்கப்படும்.
அதே நேரத்தில் உள்நாட்டு நோக்கங்களுக்காக பொறுப்பதிகாரியால் வழங்கப்படும் அறிக்கைகளுக்கு 300 ருபாய் வசூலிக்கப்படும். முறைப்பாடுகளின் நகல்கள் ஒரு பிரதிக்கு 50 ரூபாய் என்ற கட்டணம் அறவிடப்படும் என்று குறிப்பிடப்பட்டுள்ளது.
