Eng. அப்துர் ரஹ்மான் லண்டனில் கலந்து கொண்ட; Transnational Education Conference – 2025.!!!
நேற்று (09) லண்டனில் இடம் பெற்ற Transnational Education Conference – 2025 மாநாட்டில் பொறியியலாளர் அப்துர் ரஹ்மான் அவர்கள் கலந்து கொண்டார்.
University of London – Senate House மண்டபத்தில் நடைபெற்ற இந்த மாநாட்டில், பல்வேறு இங்கிலாந்து பல்கலைக்கழகங்களின் தலைவர்களும், சர்வதேச கல்வி சேவை நிறுவனங்களின் சிரேஷ்ட பிரதிநிதிகளும் பங்கேற்றிருந்தனர்.
இந்த மாநாட்டின் பிரதான நோக்கம், நாடு கடந்த உயர் கல்வி வாய்ப்புகள் (Transnational Education – TNE opportunities) என்பதனை மேம்படுத்துவதும், அதனை விரிவாக்குவதுமாகும்.
இந்த துறையில் 25 ஆண்டுகளுக்கும் மேலான தலைமைத்துவ அனுபவம் பெற்றவர் என்ற அடிப்படையில், Eng. அப்துர் ரஹ்மான் அவர்கள் இம்மாநாட்டில் கலந்து கொண்டு தமது அனுபவங்களையும் கருத்துகளையும் பகிர்ந்து கொண்டார்.
மாநாடு முழுவதும் கல்வி ஒத்துழைப்பை வலுப்படுத்தல், தொழில்நுட்பத்தின் மூலம் கல்வி பரிமாற்றத்தை ஊக்குவித்தல் ஆகியவை குறித்தும் விரிவான கலந்துரையாடல்கள் இடம்பெற்றன.
