கொள்கலனுக்குள் மறைத்து வைக்கப்பட்டிருந்த 463 கிலோ ‘ஐஸ்’; கொழும்பு துறைமுகத்தில் சிக்கியது.!!!
கொழும்பு துறைமுகத்தில் உள்ள கொள்கலன் ஒன்றிலிருந்து 463 கிலோகிராமுக்கும் அதிகமான ‘ஐஸ்’ எனப்படும் கிரிஸ்டல் மெத்தபெட்டமின் போதைப்பொருள் மீட்கப்பட்டுள்ளதாக பொலிஸார் தெரிவித்துள்ளனர்.
குறித்த கொள்கலனில் இருந்து மீட்கப்பட்ட போதைப்பொருட்களின் அளவை உறுதிப்படுத்தும் வகையில் அளவிடும் பணிகள் தொடர்ந்து முன்னெடுக்கப்பட்டு வருகின்றன என தெரிவிக்கப்பட்டுள்ளது.
இந்த சம்பவம் தொடர்பான மேலதிக விசாரணைகள் பொலிஸாரால் முன்னெடுக்கப்பட்டு வருகின்றன.
