ஹட்டன் – கொழும்பு பிரதான வீதியில் விபத்து: 75 அடி பள்ளத்தில் பாய்ந்த முச்சக்கரவண்டி; சாரதி காயம்.!!!
ஹட்டன் – கொழும்பு பிரதான வீதியின் வட்டவளை, கரோலினா பகுதியில் நேற்று (15) மாலை இடம்பெற்ற வாகன விபத்தில் முச்சக்கரவண்டி ஒன்று சுமார் 75 அடி ஆழமான பள்ளத்தில் பாய்ந்து விபத்துக்குள்ளானது.
கட்டுநாயக்க சர்வதேச விமான நிலையத்திலிருந்து தலவாக்கலை நோக்கிப் பயணித்துக் கொண்டிருந்தபோது, சாரதியின் கட்டுப்பாட்டை இழந்ததன் காரணமாக இந்த விபத்து ஏற்பட்டுள்ளதாக வட்டவளை பொலிஸார் தெரிவித்துள்ளனர்.
விபத்து நிகழ்ந்த வேளையில், வெளிநாட்டிலிருந்து வருகை தந்த ஒருவர் முச்சக்கரவண்டியில் பயணித்திருந்ததாகவும் தெரிவிக்கப்படுகிறது.
இந்த விபத்தில் முச்சக்கரவண்டி பலத்த சேதமடைந்துள்ளதுடன், காயமடைந்த சாரதி உடனடியாக வட்டவளை பிரதேச வைத்தியசாலையில் அனுமதிக்கப்பட்டு சிகிச்சை பெற்று வருகிறார்.
சம்பவம் தொடர்பான மேலதிக விசாரணைகளை வட்டவளை பொலிஸார் முன்னெடுத்து வருகின்றனர்.
– மஸ்கெலியா நிருபர் செ.தி. பெருமாள்
