ஆம்புலன்ஸ்–லாரி நேருக்கு நேர் மோதல்; ஓட்டுநர் உயிரிழப்பு, 6 பேர் காயம்.!!!
பதேனியா–அநுராதபுரம் பிரதான வீதியின் கெத்தபஹுவா பகுதியில் நேற்று (10) பிற்பகல் இடம்பெற்ற வாகன விபத்தில், ஆம்புலன்ஸ் ஓட்டுநர் ஒருவர் உயிரிழந்துள்ளார்.
மருந்துப் பொருட்கள் மற்றும் எழுதுபொருட்களை ஏற்றிச் சென்ற மீகலாவ வைத்தியசாலைக்குச் சொந்தமான ஆம்புலன்ஸ், குருநாகலிலிருந்து மீகலாவ வைத்தியசாலை நோக்கிப் பயணித்துக் கொண்டிருந்தபோது, லாரியொன்றுடன் மோதியதில் இந்த விபத்து இடம்பெற்றுள்ளது.
நேற்று பிற்பகல் சுமார் 3.30 மணியளவில் கெத்தபஹுவா பகுதியில் இந்த விபத்து இடம்பெற்றதாக தெரிவிக்கப்படுகிறது.
விபத்தில் ஆம்புலன்ஸ் ஓட்டுநர் சம்பவ இடத்திலேயே உயிரிழந்துள்ளதாக தெரிவிக்கப்படுகிறது.
மேலும், ஆம்புலன்ஸில் பயணித்த நான்கு பேரும், லாரியில் பயணித்த இருவரும் காயமடைந்துள்ளனர்.
காயமடைந்தவர்கள் அம்பன்பொல மற்றும் கல்கமுவ வைத்தியசாலைகளில் அனுமதிக்கப்பட்டுள்ளதாக தெரிவிக்கப்படுகிறது.
விபத்து தொடர்பான மேலதிக விசாரணைகளை பொலிஸார் முன்னெடுத்து வருகின்றனர்.
