வீதியை விட்டு விலகி கால்வாயில் கவிழ்ந்த பேருந்து; 20 பேர் மருத்துவமனையில்.!!!
பொலன்னறுவை – ஹபரணை பிரதான வீதியின் 7ஆவது கிலோமீற்றர் பகுதியில் பயணிகள் பேருந்தொன்று வீதியை விட்டு விலகி, வீதியோரத்தில் இருந்த கால்வாயில் கவிழ்ந்து விபத்துக்குள்ளாகியுள்ளது.
இன்று இடம்பெற்ற இந்த விபத்தில் பேருந்தில் பயணித்த 20 பேர் காயமடைந்துள்ளதாக காவல்துறையினர் தெரிவித்துள்ளனர்.
காயமடைந்தவர்கள் உடனடியாக மருத்துவமனையில் அனுமதிக்கப்பட்டு சிகிச்சை பெற்று வருவதாகவும் தெரிவிக்கப்பட்டுள்ளது.
விபத்துக்கான காரணம் இதுவரை உறுதிப்படுத்தப்படாத நிலையில், சம்பவம் தொடர்பில் பொலன்னறுவை காவல்துறையினர் மேலதிக விசாரணைகளை முன்னெடுத்து வருகின்றனர்.
