கடலில் நீராடச் சென்ற நால்வர் மாயம்; மூவரின் சடலங்கள் மீட்பு – சிறுவனைத் தேடும் நடவடிக்கை தொடர்கிறது.!!!
பமுணுகம பொலிஸ் பிரிவுக்குட்பட்ட எப்பாமுல்ல கடற்கரைப் பகுதியில் நேற்று (30) மாலை கடலில் நீராடச் சென்ற குழுவினர் நீரில் மூழ்கிய சம்பவம் பெரும் சோகத்தை ஏற்படுத்தியுள்ளது.
இதன்போது பெண் ஒருவர், இரு சிறுமிகள் மற்றும் ஒரு சிறுவன் என நான்கு பேர் நீரில் மூழ்கி காணாமல் போயிருந்தனர்.
இந்நிலையில், காணாமல்போனவர்களில் 35 வயதுடைய பெண் மற்றும் 04, 12 வயதுடைய இரு சிறுமிகள் ஆகியோரின் சடலங்கள் இன்று மீட்கப்பட்டுள்ளதாக பொலிஸார் தெரிவித்துள்ளனர்.
மேலும், நீரில் மூழ்கி காணாமல்போன 13 வயது சிறுவனைத் தேடும் நடவடிக்கைகள் தொடர்ந்து முன்னெடுக்கப்பட்டு வருகின்றன.
சம்பவம் தொடர்பான மேலதிக விசாரணைகளை பமுணுகம பொலிஸார் மேற்கொண்டு வருகின்றனர்.
