அடுத்த மாதம் சாம்பியன்ஸ் டிராபி போட்டிகள் ஆரம்பமாகவுள்ள நிலையில், சர்வதேச கிரிக்கெட் நிர்வாக (ஐசிசி) தலைமை நிர்வாகி பதவியில் இருந்து விலகுவதாக முன்னாள் அவுஸ்திரேலிய வீரர் ஜெஃப் அலார்டிஸ் (Geoff Allardice) அறிவித்துள்ளார்.ஒரு தசாப்தத்திற்கும் மேலாக ஐசிசியில் கடமையாற்றும் 57 வயதான அவர், உலகளாவிய கிரிக்கெட்டில் குறிப்பிடத்தக்க சாதனைகளை மேற்கொண்டுள்ளார்.

அவுஸ்திரேலியாவில் கிரிக்கெட் செயல்பாட்டு மேலாளராக பணியாற்றிய பின்னர், 2012 ஆம் ஆண்டு ஐசிசியில் கிரிக்கெட் பொது முகாமையாளராக சேர்ந்தார்.

அவர் செயல் தலைமை நிர்வாக அதிகாரியாக எட்டு மாதங்கள் பணியாற்றியதைத் தொடர்ந்து நவம்பர் 2021 இல் ஐசிசி தலைமை நிர்வாக அதிகாரியாக நியமிக்கப்பட்டார்.

தனது பதவிக் காலம் குறித்து பேசிய அலார்டிஸ், சர்வதேச கிரிக்கெட் நிர்வாகத்தின் தலைமை நிர்வாக அதிகாரியாக பணியாற்றுவது ஒரு பாக்கியம்.

மேலும் கிரிக்கெட்டின் உலகளாவிய அணுகலை மேம்படுத்துவதில் இருந்து வணிக அடித்தளம் வரை நாங்கள் அடைந்த முடிவுகளைப் பற்றி நான் நம்பமுடியாத அளவிற்கு பெருமைப்படுகிறேன்.கடந்த 13 ஆண்டுகளாக ஆதரவு மற்றும் ஒத்துழைப்புக்காக ஐசிசி தலைவர், இயக்குநர்கள் குழு மற்றும் ஒட்டுமொத்த கிரிக்கெட் சமூகத்திற்கும் நன்றி தெரிவிக்க விரும்புகிறேன்.

இது சரியான நேரம் என்று நான் நம்புகிறேன். நான் பதவி விலகவும், புதிய சவால்களைத் தொடரவும் கிரிக்கெட்டுக்கு உற்சாகமான காலங்கள் உள்ளன.

மேலும் எதிர்காலத்தில் ஐசிசி மற்றும் உலகளாவிய கிரிக்கெட் சமூகம் வெற்றிபெற வாழ்த்துகிறேன் – என்று கூறியுள்ளார்.

இதேவேளை, ஐசிசி வாரியத்தின் சார்பாக, தலைமை நிர்வாகியாக இருந்தபோது அலார்டிஸின் தலைமை மற்றும் அர்ப்பணிப்புக்கு மனப்பூர்வமாக நன்றி தெரிவிக்க விரும்புகிறேன் என்று சர்வதேச கிரிக்கெட் நிர்வாகத்தின் தலைவர் ஜெய் ஷா தெரிவித்துள்ளார்.

அவரது முயற்சிகள் உலக அளவில் கிரிக்கெட்டை முன்னேற்றுவதில் முக்கிய பங்கு வகித்துள்ளது.

நாங்கள் அவரது சேவைக்கு உண்மையிலேயே நன்றியுள்ளவனாக இருப்பதோடு, அவருடைய எதிர்கால முயற்சிகளில் சிறந்து விளங்க வாழ்த்துகிறேன் என்றும் ஜெய் ஷா கூறினார்.

ஐசிசி வாரியம் இப்போது அலார்டிஸின் வெற்றிடத்துக்கு அடுத்த நபரை தேர்வு செய்வதற்கான பணிகளை ஆரம்பிக்கும்.

இது இவ்வாறிருக்க கிரிக்கெட் நாட்காட்டியில் ஒரு முக்கியமான நிகழ்வான வரவிருக்கும் எட்டு அணிகள் பங்கேற்கும் 2025 சாம்பியன்ஸ் டிராபி பெப்ரவரி 19 முதல் மார்ச் 9 வரை நடைபெற உள்ளமையும் குறிப்பிடத்தக்கது.