ஜனாதிபதி நிதியச் செயற்பாட்டில் காத்தான்குடிக்கு முதலிடம்; விருது வழங்கி கௌரவிப்பு.!!!
ஜனாதிபதி நிதியத்தின் செயற்பாடுகளை 2025ஆம் ஆண்டு பிரதேச மட்டங்களில் விரிவுபடுத்தி, சேவை வழங்கல் நடவடிக்கைகளை சிறப்பாக முன்னெடுத்தமைக்காக மட்டக்களப்பு மாவட்டத்தில் காத்தான்குடி பிரதேச செயலகம் முதலிடத்தைப் பெற்றுள்ளது.
இதற்கான விருதை காத்தான்குடி பிரதேச செயலாளர் நிஹாரா மௌஜூத், பிரதமர் கலாநிதி ஹரிணி அமரசூரியவிடம் இருந்து இன்று பெற்றுக்கொண்டார்.
காத்தான்குடி பிரதேச செயலகத்திற்கு கிடைத்துள்ள இந்த முதலிடம், காத்தான்குடி பிரதேசத்திற்கு கிடைத்துள்ள பெருமையாகவும், பிரதேச செயலாளர் திருமதி நிஹாரா மௌஜூத் அவர்களின் சிறந்த நிர்வாகத்திற்குக் கிடைத்துள்ள வெற்றியாகவும் கருதப்படுகிறது.
இந்தச் சாதனையைப் பெற்றுக்கொள்வதற்காக அர்ப்பணிப்புடன் பணியாற்றிய அனைத்து அதிகாரிகள் மற்றும் உத்தியோகத்தர்களுக்கும் பொதுமக்கள் சார்பில் உளமார்ந்த வாழ்த்துகளும் பாராட்டுகளும் தெரிவிக்கப்பட்டுள்ளன.
