கட்டுநாயக்க விமான நிலையத்தில் அதிரடி கைது – ரூ.8 கோடிக்கும் அதிக பெறுமதியான ‘ஐஸ்’ சிக்கியது.!!!
ரூ.8 கோடிக்கும் அதிக பெறுமதியான ‘ஐஸ்’ போதைப்பொருளுடன் இலங்கையர் ஒருவர் கட்டுநாயக்க பண்டாரநாயக்க சர்வதேச விமான நிலையத்தில் வைத்து பொலிஸ் போதைப்பொருள் ஒழிப்புப் பிரிவினரால் கைது செய்யப்பட்டுள்ளார்.
கைது செய்யப்பட்ட சந்தேகநபர் ரத்மலானை, ஜயமாவத்தை பகுதியைச் சேர்ந்த 34 வயதுடைய வர்த்தகர் என அடையாளம் காணப்பட்டுள்ளார்.
சந்தேகநபர் ஓமானிலிருந்து போதைப்பொருளுடன் கத்தார் நாட்டின் தோஹா நகருக்குச் சென்றுள்ளதாக விசாரணைகளில் தெரியவந்துள்ளது.
பின்னர், தோஹாவிலிருந்து கத்தார் எயார்வேஸ் விமானம் மூலம் கட்டுநாயக்க பண்டாரநாயக்க சர்வதேச விமான நிலையத்தை வந்தடைந்தபோது, அவரை பொலிஸ் போதைப்பொருள் ஒழிப்புப் பிரிவினர் கைது செய்துள்ளனர்.
கைப்பற்றப்பட்ட ‘ஐஸ்’ போதைப்பொருளின் பெறுமதி ரூ.8 கோடிக்கும் அதிகம் என தெரிவிக்கப்பட்டுள்ளது.
சம்பவம் தொடர்பில் பொலிஸ் போதைப்பொருள் ஒழிப்புப் பிரிவினர் மேலதிக விசாரணைகளை முன்னெடுத்து வருகின்றனர்.
