பேருந்துடன் மோட்டார் சைக்கிள் மோதி விபத்து; இளைஞன் சம்பவ இடத்திலேயே பலி.!!!
மட்டக்களப்பு, சந்திவெளி பொலிஸ் பிரிவுக்குட்பட்ட முறக்கொட்டாஞ்சேனை பிரதான வீதியில் உள்ள பெற்றோல் நிரப்பு நிலையத்திற்கு முன்பாக இன்று (09) அதிகாலை இடம்பெற்ற கோர வீதி விபத்தில் மோட்டார் சைக்கிளில் பயணித்த இளைஞர் ஒருவர் சம்பவ இடத்திலேயே உயிரிழந்துள்ளார்.
கொழும்பிலிருந்து மட்டக்களப்பு நோக்கிப் பயணித்த தனியார் பேருந்தும், கிரான்குளத்திலிருந்து வாழைச்சேனை நோக்கிப் பயணித்த மோட்டார் சைக்கிளும் மோதியதில் இந்த விபத்து இடம்பெற்றுள்ளது.
விபத்தில் கிரான்குளத்தைச் சேர்ந்த 24 வயதுடைய தங்கராசா சதுஜன் என்பவரே உயிரிழந்துள்ளதாக அடையாளம் காணப்பட்டுள்ளார்.
சம்பவம் தொடர்பில் சந்திவெளி பொலிஸார் மேலதிக விசாரணைகளை முன்னெடுத்து வருகின்றனர். இதனிடையே, விபத்துடன் தொடர்புடைய தனியார் பேருந்தின் சாரதி கைது செய்யப்பட்டுள்ளதாக பொலிஸார் தெரிவித்துள்ளனர்.
