கிரான்குளம் பகுதியில் மீன்பிடிப் படகு கவிழ்ந்ததில் ஒருவர் உயிரிழப்பு; ஒருவர் மாயம்.!!!

– B.M. பயாஸ் –

கிரான்குளம் கடற்பகுதியில் இன்று (04) காலை மீன்பிடிக்கச் சென்ற மீன்பிடிப் படகு கவிழ்ந்ததில் 48 வயதுடைய ஒருவர் உயிரிழந்துள்ளதுடன், மேலும் ஒருவர் காணாமல் போயுள்ளதாக தெரிவிக்கப்படுகிறது.

இன்று காலை சுமார் 9.30 மணியளவில் மூன்று பேர் மீன்பிடிப் படகில் கடலுக்குச் சென்ற நிலையில், படகு கவிழ்ந்து விபத்துக்குள்ளாகியுள்ளது.

இதன்போது, ஒருவர் நீந்தி கரையை வந்தடைந்துள்ளதுடன், மற்றொருவர் மீட்கப்பட்டு வைத்தியசாலையில் அனுமதிக்கப்பட்ட நிலையில் சிகிச்சை பலனின்றி உயிரிழந்துள்ளார்.

மேலும், மூன்றாவது நபர் காணாமல் போயுள்ள நிலையில், அவர் கடல் நீரில் அடித்துச் செல்லப்பட்டிருக்கலாம் என சந்தேகிக்கப்படுகிறது.

சம்பவம் தொடர்பான மேலதிக விசாரணைகளை காத்தான்குடி பொலிஸார் மேற்கொண்டு வருகின்றனர்.