‘ALBA NUOVA’ – இளைஞர் சேவையின் புதிய விடியல்: மட்டக்களப்பில் வரலாறு படைத்த ரோட்டராக்ட் கழகம்.!!!
மட்டக்களப்பு மாவட்டத்தில் முதல் முறையாக சுய ஆதரவு (Self-Sponsored), சமூக அடிப்படையிலான ரோட்டராக்ட் கழகமாக Rotaract Club of Batticaloa அதிகாரப்பூர்வமாக நிறுவப்பட்டு, வரலாற்றுச் சிறப்புமிக்க சாதனையை பதிவு செய்துள்ளது.
இந்தக் கழகம் தனது சாசன நிறுவல் விழா மற்றும் முதல் ஆண்டு சாசன ஆண்டு நிறைவு விழாவை, மட்டக்களப்பிலுள்ள Green Garden Hotel இல் “ALBA NUOVA” (புதிய விடியல்) என்ற கருப்பொருளில் கடந்த சனிக்கிழமை சிறப்பாக நடத்தியது. இக்கருப்பொருள், சமூக சேவைக்கான புதுப்பிக்கப்பட்ட அர்ப்பணிப்பையும் இளைஞர் தலைமையாற்றலின் புதிய திசையையும் குறித்தது.
விழாவில் பிரதம அதிதியாக ரோட்டேரியன் மகேந்திரன் ஜெகவன்னன், சிறப்பு அதிதியாக குலசேகரம் ஜெய்சங்கர், மாவட்ட ரோட்டராக்ட் பிரதிநிதியாக ரோட்டராக்டர் நஸ்மி மஹமூத் ஆகியோர் கலந்துகொண்டனர்.
நிகழ்வின் முக்கிய அம்சமாக ரோட்டராக்டர் டேவிட் ஷியம் கிருபைநாயகம் அவர்கள் சாசனத் தலைவராக பதவி நிறுவப்பட்டதுடன், RI 2025–26 ஆண்டிற்கான இயக்குநர் குழுவும் அறிமுகப்படுத்தப்பட்டது.
இந்த நிகழ்வு, நேர்மை, ஒற்றுமை, நோக்கத்துடன் சமூக சேவை என்ற அடிப்படையில் Rotaract Club of Batticaloa தனது பயணத்தை உறுதியாகத் தொடங்கியுள்ளதை வெளிப்படுத்தியதுடன், கழகத்தின் கருப்பொருளான “One Vision, One Voice” என்ற ஆன்மாவை முழுமையாக பிரதிபலித்தது.
