சட்டவிரோத மின்சார வேலியில் சிக்கி 5 வயது சிறுவன் உட்பட இருவர் உயிரிழப்பு.!!!
• மின்சாரத் தாக்குதலுக்கு இலக்கானவர்களைக் காப்பாற்ற முயன்ற மேலும் இருவர் வைத்தியசாலையில் அனுமதி.
பொலன்னறுவை, எல்லேவெவ பகுதியில் பாதுகாப்பற்ற முறையில் அமைக்கப்பட்டிருந்த மின்சார வேலியில் சிக்கி, ஐந்து வயது சிறுவன் உட்பட இருவர் நேற்று (23) உயிரிழந்துள்ளனர்.
இச்சம்பவத்தில் எல்லேவெவ பகுதியைச் சேர்ந்த 41 வயதுடைய நபர் ஒருவரும், ஜா-எல பகுதியைச் சேர்ந்த அவரது உறவினரான ஐந்து வயதுச் சிறுவனும் உயிரிழந்துள்ளதாகப் பொலிஸார் தெரிவித்துள்ளனர்.
காட்டு யானைகளிடமிருந்து காணியைப் பாதுகாப்பதற்காகச் சட்டவிரோதமான முறையில் அமைக்கப்பட்டிருந்த மின்சார வேலியில் சிக்கியமையே இருவரின் உயிரிழப்புக்கும் காரணம் என ஆரம்பகட்டத் தகவல்கள் தெரிவிக்கின்றன.
இதன்போது மின்சாரத் தாக்குதலுக்கு இலக்கான இருவரையும் காப்பாற்ற முயன்ற மேலும் இருவர் மின்சாரம் தாக்கிப் பாதிக்கப்பட்டுள்ளனர். அவர்கள் சிகிச்சைக்காக தெஹியத்தகண்டிய வைத்தியசாலையில் அனுமதிக்கப்பட்டு, தொடர்ந்து சிகிச்சை பெற்று வருகின்றனர்.
இச்சம்பவம் தொடர்பில் மேலதிக விசாரணைகள் முன்னெடுக்கப்பட்டு வருகின்றன.
