மட்டக்களப்பு போதனா வைத்தியசாலையில் – முதன்முறையாக கரோட்டிட் எண்டார்டெரெக்டமி அறுவைச் சிகிச்சை வெற்றி.!!!
மட்டக்களப்பு போதனா வைத்தியசாலையில், கரோட்டிட் எண்டார்டெரெக்டமி (Carotid Endarterectomy) அறுவைச் சிகிச்சை வெற்றிகரமாக மேற்கொள்ளப்பட்டுள்ளது, வைத்தியசாலையின் வரலாற்றிலும் கிழக்கு மாகாணத்தின் மருத்துவ வரலாற்றிலும் புதிய மைல்கல்லாகும்.
மட்டக்களப்பு போதனா வைத்தியசாலையின் அறுவைச் சிகிச்சை பிரிவில், 55 வயதுடைய நோயாளி ஒருவருக்கு இடப்புற கரோட்டிட் எண்டார்டெரெக்டமி அறுவைச் சிகிச்சை வெற்றிகரமாக மேற்கொள்ளப்பட்டது.
இந்த முக்கியமான அறுவைச் சிகிச்சை, வைத்தியர் நதுன் மொஹோட்டி அவர்களின் தலைமையிலான மருத்துவக் குழுவால் சிறப்பாக மேற்கொள்ளப்பட்டதாக மருத்துவமனை வட்டாரங்கள் தெரிவித்துள்ளன.
மட்டக்களப்பு போதனா வைத்தியசாலையில் வரலாற்றில், இப்படிப்பட்ட அறுவைச் சிகிச்சை முதன்முறையாக வெற்றிகரமாக நடைமுறைப்படுத்தப்பட்டதாகவும், இது கிழக்கு மாகாணத்தின் மருத்துவ துறையில் ஒரு புதிய சாதனையாக கருதப்படுவதாகவும் குறிப்பிடப்பட்டுள்ளது.
