கிழக்குப் பல்கலைக்கழகத்தின் இரு சிற்றுண்டிச்சாலைகளை மூட நீதிமன்றம் உத்தரவு.!!!
• சுகாதார விதிமீறல்: ரூ.1.5 இலட்சம் அபராதம் விதிப்பு.
மட்டக்களப்பு, கிழக்குப் பல்கலைக்கழக வளாகத்திலுள்ள இரண்டு சிற்றுண்டிச்சாலைகளில் சுகாதார நடைமுறைகள் தொடர்ச்சியாகப் பின்பற்றப்படாதமை தொடர்பில், ஏறாவூர் நீதிவான் நீதிமன்றம் தண்டனை நடவடிக்கைகளை மேற்கொண்டுள்ளது.
இதன்படி, சுகாதார விதிமுறைகளை முறையாகப் பின்பற்றத் தவறிய சிற்றுண்டிச்சாலைகளுக்கு மொத்தமாக ஒரு இலட்சத்து 50 ஆயிரம் ரூபா அபராதம் விதிக்கப்பட்டுள்ளதுடன், இரண்டு சிற்றுண்டிச்சாலைகளையும் தற்காலிகமாக மூடுமாறு நீதிமன்றம் உத்தரவிட்டுள்ளது.
பல்கலைக்கழக வளாகத்தில் உணவுப் பொருட்களை விற்பனை செய்யும் நிலையங்கள், உரிய சுகாதார நடைமுறைகளைப் பின்பற்றுகின்றனவா என்பது தொடர்பில் எழுந்துள்ள இந்த நடவடிக்கை, மாணவர்கள் மற்றும் பல்கலைக்கழகப் பணியாளர்களின் சுகாதாரப் பாதுகாப்பின் முக்கியத்துவத்தை எடுத்துக்காட்டுகிறது.
குறிப்பாக, உணவுப் பொருட்களைச் சுத்தமான முறையில் தயாரித்தல், பாதுகாப்பாகச் சேமித்தல் மற்றும் விற்பனை செய்தல் உள்ளிட்ட சுகாதார நடைமுறைகளை உணவு விற்பனை நிலையங்கள் முறையாகப் பின்பற்றுவது அவசியமாகும்.
மாணவர்கள் மற்றும் பணியாளர்களின் நலனைக் கருத்திற்கொண்டு, பல்கலைக்கழக வளாகத்திலுள்ள உணவு விற்பனை நிலையங்கள் சுகாதார விதிமுறைகளுக்கு அமைவாகச் செயற்படுவதை உறுதிப்படுத்த வேண்டியதன் அவசியத்தை இச்சம்பவம் மீண்டும் வலியுறுத்தியுள்ளது.
சுகாதார விதிமுறைகளைப் பின்பற்றுவது உணவு விற்பனையாளர்களின் பொறுப்பு மட்டுமன்றி, பொதுமக்களின் சுகாதாரத்தைப் பாதுகாப்பதற்கான அனைவரினதும் கடமையாகும்.
