627 சுகாதார உதவியாளர்களுக்கு நியமனக் கடிதங்கள்; அரசியல் தலையீடின்றி தகுதி அடிப்படையில் ஆட்சேர்ப்பு.!!!
நேர்முகப் பரீட்சையின் அடிப்படையில், எந்தவித அரசியல் தலையீடும் இன்றி தகுதி அடிப்படையில் தேர்வு செய்யப்பட்ட 627 சுகாதார உதவியாளர்களுக்கு (SKS) நியமனக் கடிதங்கள் நேற்று (04) வழங்கப்பட்டன.
மருதானை டவர் வளாகத்தில் நடைபெற்ற நிகழ்வில், சுகாதார மற்றும் வெகுஜன ஊடக அமைச்சர் நளிந்த ஜயதிஸ்ஸ தலைமையில் நியமனக் கடிதங்கள் வழங்கப்பட்டன.
நாட்டின் இலவச சுகாதார சேவைக்கான மனிதவளத்தை வலுப்படுத்துவதோடு, சுகாதார சேவையின் தரம் மற்றும் செயல்திறனை மேலும் மேம்படுத்தும் நோக்கில் இந்த நியமனங்கள் வழங்கப்பட்டதாக அமைச்சகம் தெரிவித்துள்ளது.
நியமனம் பெற்ற 627 பேரும் மேல் மாகாணத்தின் கொழும்பு, களுத்துறை மற்றும் கம்பஹா மாவட்டங்களில் அமைந்துள்ள மத்திய அரசின் வைத்தியசாலைகள் மற்றும் சுகாதார நிறுவனங்களில் பணியில் அமர்த்தப்படவுள்ளனர்.
மேலும், இந்த ஆட்சேர்ப்பு நடவடிக்கை வெளிப்படைத்தன்மை, சமத்துவம் மற்றும் தகுதி அடிப்படையிலான நியமன முறையை உறுதிப்படுத்தும் முக்கிய முன்னுதாரணமாக அமைந்துள்ளதாகவும் தெரிவிக்கப்பட்டுள்ளது.
