லிட்ரோ சமையல் எரிவாயு விலை நள்ளிரவு முதல் குறைப்பு; புதிய விலைகள் அறிவிப்பு.!!!
லிட்ரோ சமையல் எரிவாயு நிறுவனம் இன்று (03) நள்ளிரவு முதல் அமலுக்கு வரும் வகையில் சமையல் எரிவாயு சிலிண்டர்களின் விலைகளை குறைக்க தீர்மானித்துள்ளதாக அறிவித்துள்ளது.
இதன்படி, 12.5 கிலோகிராம் லிட்ரோ சமையல் எரிவாயு சிலிண்டரின் விலை 300 ரூபாவால் குறைக்கப்பட்டுள்ளதுடன், இதுவரை 4,765 ரூபாவாக விற்பனை செய்யப்பட்ட சிலிண்டரின் புதிய விலை 4,465 ரூபாவாக நிர்ணயிக்கப்பட்டுள்ளது.
மேலும், 5 கிலோகிராம் சமையல் எரிவாயு சிலிண்டரின் விலை 118 ரூபாவால் குறைக்கப்பட்டுள்ளதால், 1,910 ரூபாவாக இருந்த அதன் விலை 1,792 ரூபாவாக குறைந்துள்ளது.
அதேவேளை, 2.3 கிலோகிராம் சமையல் எரிவாயு சிலிண்டரின் விலை 55 ரூபாவால் குறைக்கப்பட்டுள்ளதுடன், 890 ரூபாவாக இருந்த அதன் புதிய விலை 835 ரூபாவாக அறிவிக்கப்பட்டுள்ளது.
புதிய விலைகள் இன்று (03) நள்ளிரவு முதல் நாடு முழுவதும் அமுலுக்கு வரும் என லிட்ரோ சமையல் எரிவாயு நிறுவனம் தெரிவித்துள்ளது.
