கல்வி மறுசீரமைப்பில் முன்னேற்றம் – தேசிய வழிநடத்தல் குழு விசேட கூட்டம்.!!!
(கற்பிட்டி எம் எச் எம் சியாஜ்)
கல்வி, உயர்கல்வி மற்றும் தொழிற்கல்வி அமைச்சரும் பிரதமருமான கலாநிதி ஹரிணி அமரசூரியவ் தலைமையில், கல்வி மறுசீரமைப்பு தொடர்பான தேசிய வழிநடத்தல் குழுவின் விசேட கூட்டம் இன்று (06) இசுருபாயவிலுள்ள கல்வி அமைச்சு வளாகத்தில் நடைபெற்றது.
அமைச்சரவை அங்கீகாரத்துடன் நியமிக்கப்பட்டுள்ள இக்குழு, ஒட்டுமொத்த கல்வி மறுசீரமைப்புச் செயல்முறைக்கும் பொறுப்புக்கூறி, அனைத்து அம்சங்களையும் தரப்பினருடன் ஒழுங்குபடுத்தி, உயர்தர கல்வி மறுசீரமைப்பை முன்னெடுக்க பணியாற்றுகிறது.
துறைமுகங்கள் மற்றும் சிவில் விமானப் போக்குவரத்து அமைச்சர் கலாநிதி அனுர கருணாதிலக்க, கிராமிய அபிவிருத்தி, சமூகப் பாதுகாப்பு மற்றும் சமூக வலுவூட்டல் அமைச்சர் கலாநிதி உபாலி பன்னிலகே, கல்வி, உயர்கல்வி மற்றும் தொழிற்கல்வி அமைச்சின் செயலாளர் நாலக கலுவெவ, இலங்கை திறந்த பல்கலைக்கழகத் துணைவேந்தர் கலாநிதி எம். ஏ. உபாலி மாம்பிட்டிய, கொழும்பு இலங்கை கடல்சார் பல்கலைக்கழகத் துணைவேந்தர் பேராசிரியர் நலின் ரத்நாயக்க, யாழ்ப்பாணப் பல்கலைக்கழக சிரேஷ்ட விரிவுரையாளர் பேராசிரியர் செங்கரப்பிள்ளை அறிவழகன், யுனெஸ்கோவுக்கான இலங்கை தேசிய ஆணைக்குழுவின் பொதுச்செயலாளர் பேராசிரியர் பிரபாத் ஜயசிங்க, அமைச்சின் முன்னாள் செயலாளர் நிமல் தயரத்ன பண்டார, ஓய்வுபெற்ற அதிபர்கள் பண்டார வீரசிங்க மற்றும் வி. உதயகுமார், தேசிய கல்வி நிறுவனத்தின் கல்விச் சபைத் தலைவர் பேராசிரியர் பிரியங்கனி சேனநாயக்க, தென்கிழக்குப் பல்கலைக்கழக சிரேஷ்ட விரிவுரையாளர் கலாநிதி ஏ. டப்ளியூ. என். நலீபா ஆகியோர் குழுவில் அங்கம் வகித்தனர்.
அத்தோடு, அகில இலங்கை ஐக்கிய ஆசிரியர் சங்கத்தின் யல்வெல பஞ்ஞாசேகர தேரர், சுயாதீன கல்வி ஊழியர் சங்கத்தின் ஜகத் ஆனந்த சில்வா, இலங்கை தேசிய பாடசாலை அதிபர்கள் சங்கத்தின் கபில பிரியந்த, இலங்கை ஆசிரியர் ஊழியர் சங்கத்தின் ஜி. ஏ. எம். சமித் ஹர்ஷநாத ஆகியோர் தொழிற்சங்கப் பிரதிநிதிகளாகச் செயல்பட்டனர்.
மேலதிக செயலாளர் (கல்வி மறுசீரமைப்பு) எம். ஏ. வி. எஸ். எதிரிசூரிய இக்குழுவின் அழைப்பாளராகச் செயற்பட்டார்.
இந்த குழுவின் நோக்கம் கல்வி மறுசீரமைப்பின் ஐந்து பிரதான தூண்களின் கீழ் முன்னெடுக்கப்படும் பணிகளை ஆராய்ந்து வழிநடத்தல், எதிர்கால சவால்களுக்கு தீர்வுகள் முன்வைப்பது மற்றும் சமூக அங்கீகாரத்தை உயர்த்துவதாகும்.
கூட்டத்தில் கல்வி மற்றும் உயர்கல்வி பிரதமர் வைத்தியர் மதுர செனவிரத்ன, தொழிற்கல்வி பிரதமர் நலின் ஹேவகே உள்ளிட்ட உயர் அதிகாரிகள் பலரும் கலந்துகொண்டனர்.
