ரியாத், தம்மாம் விமான சேவைகள் நவம்பர் 1 வரை ரத்து: ஸ்ரீலங்கன் எயார்லைன்ஸ் அறிவிப்பு.!!!
கொழும்புக்கும் சவூதி அரேபியாவின் தம்மாம் மற்றும் ரியாத் நகரங்களுக்கும் இடையிலான அனைத்து விமான சேவைகளும் எதிர்வரும் நவம்பர் 1ஆம் திகதி வரை தொடர்ந்து இடைநிறுத்தப்பட்டிருக்கும் என ஸ்ரீலங்கன் எயார்லைன்ஸ் அறிவித்துள்ளது.
பிராந்தியத்தில் நிலவும் பாதுகாப்புச் சூழ்நிலையைக் கருத்தில் கொண்டு இந்தத் தீர்மானம் எடுக்கப்பட்டுள்ளதாக, ஸ்ரீலங்கன் எயார்லைன்ஸ் நிறுவனம் இன்று (22) வெளியிட்டுள்ள அறிக்கையில் தெரிவித்துள்ளது.
பயணிகள் மற்றும் விமானப் பணியாளர்களின் பாதுகாப்பே தமது முதன்மையான முன்னுரிமை எனக் குறிப்பிட்டுள்ள நிறுவனம், விமானச் சேவைகளை மீண்டும் ஆரம்பிப்பதற்குப் பொருத்தமான சூழ்நிலை நிலவுவதாக மதிப்பீடு செய்யப்பட்ட பின்னரே அடுத்தகட்ட நடவடிக்கைகள் முன்னெடுக்கப்படும் எனத் தெரிவித்துள்ளது.
பயணிகளுக்கான அறிவிப்பு
விமானப் பயணங்கள் தொடர்பான மேலதிக தகவல்களைப் பெற்றுக்கொள்ள விரும்பும் பயணிகள், ஸ்ரீலங்கன் எயார்லைன்ஸ் நிறுவனத்தின் பின்வரும் தொடர்பு வழிகளைப் பயன்படுத்தலாம்:
– இலங்கைக்குள்: 1979
– சர்வதேச அழைப்புகளுக்கு: +94 11 777 1979
– WhatsApp (குறுஞ்செய்தி உரையாடல்களுக்கு மட்டும்): +94 74 444 1979
– இணையதளம்: www.srilankan.com
மேலும், பயணிகள் தமது பயண முகவர்கள் ஊடாகவும் தகவல்களைப் பெற்றுக்கொள்ள முடியும் என அறிவுறுத்தப்பட்டுள்ளது.
விமானப் பயணத்திற்குத் திட்டமிட்டுள்ள பயணிகள், தமது பயணத் திகதி மற்றும் விமானச் சேவை தொடர்பான புதுப்பிக்கப்பட்ட தகவல்களை உத்தியோகபூர்வ வழிகளில் உறுதிப்படுத்திக்கொள்ளுமாறு கேட்டுக்கொள்ளப்படுகின்றனர்.
