செப்டெம்பர் மாத முதியோர் கொடுப்பனவு ஒக்டோபர் 01 முதல் வைப்பு.!!!
• 695,818 முதியோருக்கு ரூ.3,479.07 மில்லியன் ஒதுக்கீடு.
கொழும்பு: 2026 செப்டெம்பர் மாதத்திற்கான முதியோர் கொடுப்பனவு, எதிர்வரும் ஒக்டோபர் 01ஆம் திகதி சம்பந்தப்பட்ட பயனாளிகளின் ‘அஸ்வெசும’ வங்கிக் கணக்குகளில் வைப்பு செய்யப்படவுள்ளதாக நலன்புரி நன்மைகள் சபை தெரிவித்துள்ளது.
அதன்படி, அஸ்வெசும நலன்புரி நன்மைகள் திட்டத்தின் முதற்கட்டத்தின் கீழ், 70 வயதுக்கு மேற்பட்ட 616,755 முதியோருக்கு கொடுப்பனவு வழங்குவதற்காக 3,083.755 மில்லியன் ரூபாய் ஒதுக்கப்பட்டுள்ளது.
மேலும், திட்டத்தின் இரண்டாம் கட்டத்தின் கீழ், 70 வயதுக்கு மேற்பட்ட 79,063 முதியோருக்காக 395.315 மில்லியன் ரூபாய் நிதி ஒதுக்கப்பட்டுள்ளது.
இதற்கமைய, இரு கட்டங்களின் கீழும் மொத்தம் 695,818 முதியோருக்கு 3,479.07 மில்லியன் ரூபாய் முதியோர் கொடுப்பனவாக வழங்கப்படவுள்ளது.
சம்பந்தப்பட்ட பயனாளிகள் ஒக்டோபர் 01ஆம் திகதி முதல் தங்களுக்கான முதியோர் கொடுப்பனவை ‘அஸ்வெசும’ வங்கிக் கணக்குகள் ஊடாகப் பெற்றுக்கொள்ள முடியும் என நலன்புரி நன்மைகள் சபை மேலும் தெரிவித்துள்ளது.
