முன்னாள் ஜனாதிபதி ரணில் விக்கிரமசிங்க; குற்றப் புலனாய்வுப் பிரிவினரால் கைது.!!!
முன்னாள் ஜனாதிபதி ரணில் விக்கிரமசிங்க இன்று குற்றப் புலனாய்வுப் பிரிவினரால் (CID) கைது செய்யப்பட்டார்.
இலங்கையில் முன்னாள் அரச தலைவர் ஒருவர் கைது செய்யப்படுவது இதுவே முதல் முறையாகும்.
இன்று காலை CID யிடம் வாக்குமூலம் அளித்த பின்னர் கைது செய்யப்பட்ட விக்கிரமசிங்க, விரைவில் நீதிமன்றத்தில் ஆஜர்படுத்தப்படவுள்ளார்.
தனது வெளிநாட்டுப் பயணங்களில் தனிப்பட்ட நிகழ்வுகளும் அடங்கியிருந்ததாகவும், ஆனால் அதற்கு அரசு நிதியளித்ததாகவும் புலனாய்வாளர்கள் தெரிவித்துள்ள நிலையில், இது தொடர்பான விசாரணைகளுக்காக அவர் CID யினால் அழைக்கப்பட்டிருந்தார்.
ஜனாதிபதியாக இருந்தபோது ரணில் விக்கிரமசிங்க நியூயோர்க்கிற்கும் பின்னர் ஐக்கிய இராச்சியத்திற்கும் சென்றதாகவும், அங்கு அவர் லண்டனில் நடந்த பல்கலைக்கழக பட்டமளிப்பு விழாவில் கலந்துகொண்டதாகவும் தெரிவிக்கப்பட்டுள்ளது.
CID யின் படி, லண்டன் பயணத்திற்கு அரசாங்கத்திற்கு சுமார் ரூ. 16.9 மில்லியன் செலவாகியுள்ளது.
இந்த மாத தொடக்கத்தில், இந்த விசாரணையின் ஒரு பகுதியாக முன்னாள் ஜனாதிபதி செயலாளர் சமன் ஏகநாயக்க மற்றும் முன்னாள் தனிப்பட்ட செயலாளர் சாண்ட்ரா பெரேரா ஆகியோரிடம் புலனாய்வாளர்கள் விசாரணை நடத்தினர்.
