பொருளாதார வளர்ச்சியுடன் பொறுப்புள்ள பிரஜைகளையும் உருவாக்க வேண்டும் – பிரதமர்.!!!
மாற்றத்தை நோக்கிய புதிய யுகத்தை உருவாக்குவதில், கலாச்சாரத்தால் போஷிக்கப்பட்ட மனிதர்களை உருவாக்குவது மிகவும் முக்கியமானது என பிரதமர் ஹரிணி அமரசூரிய தெரிவித்துள்ளார்.
பொருளாதாரம், உள்கட்டமைப்பு மற்றும் நிறுவனக் கட்டமைப்பை மேம்படுத்துவதுடன், நாட்டில் மாற்றத்தை ஏற்படுத்தக்கூடிய பொறுப்புள்ள பிரஜைகளை உருவாக்குவதும் அரசின் முக்கிய பொறுப்பாகும் என பிரதமர் சுட்டிக்காட்டினார்.
கம்பஹா நகர சபை மண்டபத்தில் செப்டெம்பர் 06ஆம் திகதி நடைபெற்ற கம்பஹா இலக்கிய விழா (GAMLIT ’26) நிகழ்வில் கலந்துகொண்டு உரையாற்றிய போதே பிரதமர் இதனைத் தெரிவித்தார்.
நாட்டின் முன்னோக்கிய பயணத்திற்கு அறிவு, பண்பாடு மற்றும் கலாச்சார விழுமியங்களால் போஷிக்கப்பட்ட பொறுப்புள்ள பிரஜைகள் அத்தியாவசியமானவர்கள் எனவும் அவர் வலியுறுத்தினார்.
