லஞ்ச ஊழல் ஆணைக்குழுவில் ஆஜரானார் முன்னாள் சபாநாயகர் சமல் ராஜபக்ஷ.!!!
முன்னாள் சபாநாயகரும் மூத்த அரசியல்வாதியுமான சமல் ராஜபக்ஷ, லஞ்சம் அல்லது ஊழல் குற்றச்சாட்டுகளை விசாரணை செய்யும் ஆணைக்குழுவான CIABOC முன்னிலையில் இன்று (08) காலை ஆஜராகியுள்ளார்.
Commission to Investigate Allegations of Bribery or Corruption முன்னெடுத்து வரும் விசாரணைகளின் ஒரு பகுதியாகவே சமல் ராஜபக்ஷ விசாரணைக்கு அழைக்கப்பட்டதாக தெரிவிக்கப்பட்டுள்ளது.
SriLankan Airlines நிறுவனத்திற்கான Airbus விமானக் கொள்வனவு தொடர்பில் இடம்பெற்றதாகக் கூறப்படும் முறைகேடுகள் மற்றும் லஞ்சக் குற்றச்சாட்டுகள் தொடர்பிலேயே அவரிடம் விசாரணை மேற்கொள்ளப்படுவதாக தெரிவிக்கப்பட்டுள்ளது.
குறித்த விமானக் கொள்வனவு நடவடிக்கை தொடர்பில் வாக்குமூலம் ஒன்றை வழங்குவதற்காக அவர் ஆணைக்குழு முன்னிலையில் ஆஜராகியுள்ளதாகவும் கூறப்படுகிறது.
இந்த விவகாரம் தொடர்பில் ஏற்கனவே பல்வேறு கட்ட விசாரணைகள் முன்னெடுக்கப்பட்டு வரும் நிலையில், சமல் ராஜபக்ஷ ஆணைக்குழுவில் ஆஜராகியுள்ளமை அரசியல் வட்டாரங்களில் கவனம் பெற்றுள்ளது.
