நீதிமன்ற பிடியாணை பிறப்பிக்கப்பட்டிருந்த ஞானசார தேரர் கைது.!!!
நீதிமன்ற பிடியாணை பிறப்பிக்கப்பட்டிருந்த பொதுபலசேனா அமைப்பின் பொதுச் செயலாளர் கலகொடஅத்தே ஞானசார தேரர், தினியாவல பகுதியில் வைத்து பொலிஸாரால் கைது செய்யப்பட்டுள்ளார்.
அவரை கைது செய்து நீதிமன்றத்தில் முன்னிலைப்படுத்துமாறு பிறப்பிக்கப்பட்டிருந்த பிடியாணைக்கு அமைவாகவே இந்த கைது நடவடிக்கை மேற்கொள்ளப்பட்டுள்ளதாக பொலிஸார் தெரிவித்துள்ளனர்.
நீதிமன்ற அவமதிப்பு குற்றச்சாட்டின் கீழ் ஞானசார தேரருக்கு முன்னாள் ஜனாதிபதி மைத்திரிபால சிறிசேன வழங்கியிருந்த பொதுமன்னிப்பை இலங்கை உயர்நீதிமன்றம் அண்மையில் இரத்து செய்திருந்தது.
இதனையடுத்து, அவரை கைது செய்து நீதிமன்றத்தில் முன்னிலைப்படுத்துவதற்கான நடவடிக்கைகள் முன்னெடுக்கப்பட்டிருந்த நிலையில், தற்போது தினியாவல பகுதியில் வைத்து அவர் கைது செய்யப்பட்டுள்ளார்.
