ஐ.நா. பொதுச் சபைக் கூட்டத்தில் ஜனாதிபதி பங்கேற்கமாட்டார்; அமைச்சர் மட்டத்தில் இலங்கை பிரதிநிதித்துவம்.!!!
எதிர்வரும் ஐக்கிய நாடுகள் பொதுச் சபைக் கூட்டத்தில் ஜனாதிபதி அனுர குமார திசாநாயக்க பங்கேற்கமாட்டார் என வெளியுறவு அமைச்சர் விஜித ஹேரத் தெரிவித்துள்ளார்.
ஜனாதிபதிக்கு பதிலாக, இம்முறை ஐக்கிய நாடுகள் பொதுச் சபைக் கூட்டத்தில் அமைச்சர் மட்டத்தில் இலங்கை பிரதிநிதித்துவப்படுத்தப்படும் என அவர் குறிப்பிட்டுள்ளார்.
இதன்படி, ஐக்கிய நாடுகள் பொதுச் சபைக் கூட்டத்தில் இலங்கையைப் பிரதிநிதித்துவப்படுத்தி, செப்டம்பர் 28ஆம் திகதி நாட்டின் உரையை தாம் நிகழ்த்தவுள்ளதாக அமைச்சர் விஜித ஹேரத் தெரிவித்துள்ளார்.
இதற்காக அமைச்சர் விஜித ஹேரத் செப்டம்பர் 26ஆம் திகதி நியூயோர்க் செல்லவுள்ளதாகவும் தெரிவிக்கப்பட்டுள்ளது.
