கென்யாவுடன் உறவுகளை வலுப்படுத்தும் இலங்கை: உப ஜனாதிபதியைச் சந்தித்தார் பிரதமர் ஹரிணி.!!!
பொதுநலவாய அரச தலைவர்கள் மாநாடு (CHOGM 2026) நடைபெற்று வரும் நிலையில், இலங்கைப் பிரதமர் கலாநிதி ஹரிணி அமரசூரியவும் கென்யாவின் உப ஜனாதிபதி பேராசிரியர் கித்துரே கிந்திகியும் இருதரப்புச் சந்திப்பொன்றை நடத்தியுள்ளனர்.
அன்டிகுவா மற்றும் பார்புடாவில் நடைபெற்ற பொதுநலவாய அரச தலைவர்கள் மாநாட்டின் இடையே இச்சந்திப்புநேற்று (03) இடம்பெற்றுள்ளது.
இதன்போது, இலங்கைக்கும் கென்யாவுக்கும் இடையிலான நீண்டகால நட்புறவுகளை மேலும் வலுப்படுத்துவது தொடர்பில் இரு தரப்பினரும் விரிவாகக் கலந்துரையாடியுள்ளனர்.
குறிப்பாக, விவசாயம், வர்த்தகம், முதலீடு மற்றும் காலநிலை நிதியளிப்பு உள்ளிட்ட முக்கிய துறைகளில் இருதரப்பு ஒத்துழைப்பை விரிவுபடுத்துவதற்கான வாய்ப்புகள் குறித்து இதன்போது விசேட கவனம் செலுத்தப்பட்டுள்ளது.
இலங்கைக்கும் கென்யாவுக்கும் இடையிலான பொருளாதார மற்றும் இராஜதந்திர உறவுகளை மேலும் மேம்படுத்துவதற்கான புதிய வாய்ப்புகளை ஆராயும் வகையில் இச்சந்திப்பு அமைந்துள்ளதாகத் தெரிவிக்கப்படுகிறது.
