எவரெஸ்ட் அடிவார முகாமில் இரண்டு ஹெலிகாப்டர்கள் மோதி விபத்து: வெளிநாட்டவர் ஒருவர் உயிரிழப்பு.!!!
எவரெஸ்ட் மலையின் அடிவார முகாம் பகுதியில் ஃபிஷ் டெயில் ஏர் (Fishtail Air) மற்றும் டைனஸ்டி ஏர் (Dynasty Air) நிறுவனங்களுக்குச் சொந்தமான இரண்டு ஹெலிகாப்டர்கள் ஒன்றுடன் ஒன்று மோதிக்கொண்டதில் வெளிநாட்டவர் ஒருவர் உயிரிழந்துள்ளதுடன், நேபாள நாட்டவர் ஒருவர் காயமடைந்துள்ளார்.
இந்த விபத்து எவரெஸ்ட் மலை அடிவார முகாம் பகுதியில் இடம்பெற்றுள்ளதாகத் தெரிவிக்கப்படுகிறது.
இரு ஹெலிகாப்டர்களும் மோதிக்கொண்டதில் ஏற்பட்ட விபத்தில் வெளிநாட்டவர் ஒருவர் உயிரிழந்ததாகவும், காயமடைந்த நேபாள நாட்டவர் சிகிச்சைக்காக அனுப்பி வைக்கப்பட்டுள்ளதாகவும் ஆரம்பகட்ட தகவல்கள் தெரிவிக்கின்றன.
எனினும், உயிரிழந்த வெளிநாட்டவரின் அடையாளம், விபத்துக்கான காரணம் மற்றும் மேலதிக சேத விபரங்கள் தொடர்பில் இதுவரை உறுதிப்படுத்தப்பட்ட தகவல்கள் வெளியாகவில்லை.
