மேல் நீதிமன்ற நீதிபதிகளாக மூவர் நியமனம்; ஜனாதிபதி நியமனக் கடிதங்களை வழங்கினார்.!!!
புதிய மேல் நீதிமன்ற நீதிபதிகள் மூவரை ஜனாதிபதி அநுர குமார திசாநாயக்க இன்று (23) நியமித்துள்ளார்.
இதன்படி, யாழ்ப்பாண மாவட்ட நீதிபதியாகப் பணியாற்றும் நீதித்துறை சேவையின் விசேட தர அதிகாரியான பெருமாள் சிவகுமார், நீதிச்சேவை ஆணைக்குழுவின் சிரேஷ்ட உதவிச் செயலாளராகப் பணியாற்றும் விசேட தர அதிகாரியான ஆனந்தி கனகரத்தினம் மற்றும் கொழும்பு மாவட்ட நீதிபதியாகப் பணியாற்றும் விசேட தர அதிகாரியான ஞானேச லலித் கன்னங்கர ஆகியோர் புதிய மேல் நீதிமன்ற நீதிபதிகளாக நியமிக்கப்பட்டுள்ளனர்.
இவர்களுக்கான நியமனக் கடிதங்கள் இன்று (23) முற்பகல் ஜனாதிபதி அலுவலகத்தில் வைத்து ஜனாதிபதி அநுர குமார திசாநாயக்கவினால் வழங்கப்பட்டன.
இந்நிகழ்வில் ஜனாதிபதியின் செயலாளர் கலாநிதி நந்திக சனத் குமாநாயக்கவும் கலந்துகொண்டார்.
