அமெரிக்காவின் ஈரான் எண்ணெய் மீதான தடைகளை சீனா நிராகரிப்பு – விநியோகம் வழக்கம்போல் தொடரும்.!!!
அமெரிக்கா ஈரானின் எண்ணெய் ஏற்றுமதிக்கு விதித்துள்ள தடைகளை சீனா அங்கீகரிக்க முடியாது என அதிகாரப்பூர்வமாக அறிவித்துள்ளது.
சீன அதிகாரிகள் வெளியிட்டுள்ள அறிக்கையில், அந்த தடைகளுக்கு சீனா கட்டுப்படப் போவதில்லை என்றும், ஈரானிலிருந்து எண்ணெய் விநியோகம் முன்பைப் போலவே வழக்கமான முறையில் தொடரும் என்றும் தெரிவிக்கப்பட்டுள்ளது.
ஈரான் எண்ணெய் வர்த்தகத்திற்கு அமெரிக்கா விதித்துள்ள ஒருதலைப்பட்சமான பொருளாதாரத் தடைகள் சர்வதேச வர்த்தக நடைமுறைகளுக்கு முரணானவை என்றும் சீனா குறிப்பிட்டுள்ளது.
அதனால், தமது நாட்டின் ஆற்றல் தேவைகளை பூர்த்தி செய்வதற்காக ஈரானுடன் நடைபெறும் எண்ணெய் வர்த்தகத்தை சீனா தொடர்ந்து முன்னெடுக்கும் எனவும் அந்த அறிக்கையில் தெரிவிக்கப்பட்டுள்ளது.
இவ்விவகாரம் தொடர்பில் அமெரிக்கா மேலும் அழுத்தம் கொடுத்தாலும், தமது நிலைப்பாட்டில் மாற்றமில்லை என சீனா வலியுறுத்தியுள்ளது.
