அரசியலைத் தவிர்த்து விவசாயத்தில் முழுநேரமாக ஈடுபடும் முன்னாள் ஜனாதிபதி மைத்திரிபால சிறிசேன.!!!
இலங்கையின் முன்னாள் ஜனாதிபதி மைத்திரிபால சிறிசேன தற்போது விவசாய நடவடிக்கைகளில் அதிக கவனம் செலுத்தி வருவதாகத் தெரிவித்துள்ளார்.
கொழும்பில் இடம்பெற்ற நிகழ்வொன்றின் பின்னர் ஊடகங்களுக்குக் கருத்துத் தெரிவிக்கும்போதே அவர் இதனைக் குறிப்பிட்டுள்ளார்.
தற்போது தனது பெரும்பாலான நேரத்தைப் புத்தகங்கள் வாசிப்பதில் செலவிட்டு வருவதாகத் தெரிவித்த அவர், முக்கியமான மத நிகழ்வுகள், திருமண வைபவங்கள் மற்றும் ஏனைய முக்கிய நிகழ்வுகளுக்குக் கிடைக்கும் அழைப்புகளை ஏற்று அவற்றிலும் கலந்துகொள்வதாகக் குறிப்பிட்டுள்ளார்.
பல முன்னாள் ஜனாதிபதிகள் அரசியலைத் தவிர்த்து விவசாயத்தில் ஈடுபட்டு வருவதாகக் கூறப்படும் நிலையில், தாமும் உண்மையிலேயே தற்போது விவசாய நடவடிக்கைகளில் ஈடுபட்டு வருவதாக அவர் தெரிவித்துள்ளார்.
பொலன்னறுவையில் தனக்குச் சொந்தமான மாந்தோட்டம் ஒன்றும் வயல் நிலமும் இருப்பதாகக் குறிப்பிட்ட முன்னாள் ஜனாதிபதி மைத்திரிபால சிறிசேன, அவற்றில் விவசாய நடவடிக்கைகளை முன்னெடுத்து வருவதாகவும் தெரிவித்துள்ளார்.
இவ்வாறு அரசியல் செயற்பாடுகளிலிருந்து விலகி, வாசிப்பு மற்றும் விவசாய நடவடிக்கைகளில் தனது தற்போதைய காலத்தைச் செலவிட்டு வருவதாக முன்னாள் ஜனாதிபதி மேலும் குறிப்பிட்டுள்ளார்.
