3,000 இற்கும் மேற்பட்ட தொழில்வல்லுநர்கள் நாட்டை விட்டு வெளியேறினர்; அரசுக்கு பல பில்லியன் ரூபாய் இழப்பு.!!!
மருத்துவர்கள் மற்றும் பல்கலைக்கழகப் பேராசிரியர்கள் உள்ளிட்ட 3,000 இற்கும் மேற்பட்ட தொழில்வல்லுநர்கள் கடந்த காலங்களில் நாட்டை விட்டு வெளிநாடுகளுக்குச் சென்றுள்ளதாக அரசாங்க மருத்துவ அதிகாரிகள் சங்கம் (GMOA) வெளியிட்டுள்ள தரவுகளில் தெரிவிக்கப்பட்டுள்ளது.
அந்தத் தரவுகளின்படி, ஒட்டுமொத்தமாக சுமார் 2,500 மருத்துவர்கள் அரசுச் சேவையை விட்டு விலகி வெளிநாடுகளுக்குச் சென்றுள்ளனர். இதன் காரணமாக அரசுக்கு ரூபாய் 1,200 கோடிக்கும் அதிகமான, அதாவது சுமார் 12 பில்லியன் ரூபாய் நிதி இழப்பு ஏற்பட்டுள்ளதாகத் தெரிவிக்கப்பட்டுள்ளது.
குறிப்பாக மயக்கவியல், அவசர சிகிச்சை, குழந்தைகள் மருத்துவம் மற்றும் இதய நோயியல் உள்ளிட்ட துறைகளில் நிபுணத்துவ மருத்துவர்கள் பற்றாக்குறை ஏற்பட்டுள்ளது.
இதன் விளைவாக கிராமப்புற மற்றும் பிராந்திய அரசு மருத்துவமனைகளின் சேவைகள் மற்றும் இயல்பான இயக்கம் பாதிக்கப்படும் அபாயம் உருவாகியுள்ளதாகவும் சுட்டிக்காட்டப்பட்டுள்ளது.
இதனிடையே, உயர் கல்வி மற்றும் ஆய்வுக்காக விடுப்பு பெற்று வெளிநாடுகளுக்குச் சென்ற பின்னர், ஒப்பந்தப்படி மீண்டும் இலங்கைக்கு திரும்பாத பல்கலைக்கழகப் பேராசிரியர்களின் எண்ணிக்கை 514 எனத் தெரியவந்துள்ளது.
ஒப்பந்த விதிமுறைகளை மீறி வெளிநாடுகளில் தங்கியுள்ள இந்தப் பேராசிரியர்களிடமிருந்து அரசுக்கும் பல்கலைக்கழக அமைப்பிற்கும் மீளப் பெறப்பட வேண்டிய தொகை ரூபாய் 340 கோடி, அதாவது சுமார் 3.4 பில்லியன் ரூபாய் எனவும் தகவல்கள் தெரிவிக்கின்றன.
