ஈரானுக்கு எதிராக அமெரிக்கா அதிரடி; எண்ணெய் கப்பல்கள் மீது குண்டுவீச்சு.!!!
அமெரிக்க கடற்படையின் இரண்டு போர்க்கப்பல்களை நோக்கி ஈரானின் இஸ்லாமிய புரட்சிகர காவல்படை (IRGC) பல பாலிஸ்டிக் ஏவுகணைகளை ஏவியதாக அமெரிக்க மத்திய கட்டளை (CENTCOM) தெரிவித்துள்ளது.
இதனைத் தொடர்ந்து, மூன்று ஈரானிய கச்சா எண்ணெய் கப்பல்கள் மீது அமெரிக்கப் படைகள் தாக்குதல் நடத்தியதாக தெரிவிக்கப்பட்டுள்ளது.
செப்டம்பர் 5ஆம் திகதி இடம்பெற்ற இந்தச் சம்பவத்தில், பிராந்திய கடற்பரப்பில் ரோந்துப் பணியில் ஈடுபட்டிருந்த அமெரிக்க கடற்படைக் கப்பல்களை IRGC ஏவுகணைகள் மூலம் குறிவைத்ததாக CENTCOM கூறியுள்ளது.
ஈரானின் தாக்குதலில் இருந்து அமெரிக்க விமானம் தாங்கிக் கப்பலும், வழிகாட்டப்பட்ட ஏவுகணை அழிப்புக் கப்பலும் பாதுகாப்பாக தப்பியதாக தெரிவிக்கப்பட்டுள்ளது. இந்தச் சம்பவத்தில் அமெரிக்க இராணுவத்தினர் எவரும் காயமடையவில்லை என அமெரிக்க இராணுவம் தெரிவித்துள்ளது.
இதற்குப் பதிலளிக்கும் வகையில் மூன்று ஈரானிய கச்சா எண்ணெய் கப்பல்கள் மீது அமெரிக்கப் படைகள் தாக்குதல் நடத்தியதாக கூறப்படுகிறது. இதனால், ஏற்கனவே தீவிரமடைந்துள்ள அமெரிக்கா–ஈரான் மோதல் மேலும் உச்சமடைந்துள்ளது.
இதேவேளை, செப்டம்பர் 1ஆம் திகதியும் IRGC-யின் வான் பாதுகாப்பு தளங்கள், ரேடார் அமைப்புகள், கடல்சார் சொத்துகள், கடல் கண்ணிவெடி பதிக்கும் திறன்கள் மற்றும் தகவல் தொடர்பு வசதிகள் உள்ளிட்ட ஈரானிய இராணுவ இலக்குகளை அமெரிக்கப் படைகள் தாக்கியதாக CENTCOM தெரிவித்திருந்தது.
மேலும், Kharg தீவு அருகே இருந்த ஈரானிய எண்ணெய் கப்பல் ஒன்றும் அமெரிக்கத் தாக்குதலில் பாதிக்கப்பட்டதாக ஈரானின் அரை-அதிகாரப்பூர்வ Tasnim செய்தி நிறுவனத்தை மேற்கோள்காட்டி Reuters செய்தி வெளியிட்டுள்ளது.
