இந்தோனேசியாவில் 5.7 ரிக்டர் அளவில் நிலநடுக்கம்.!!!
இந்தோனேசியாவின் துவால் கடற்கரைப் பகுதியில் 5.7 ரிக்டர் அளவிலான நிலநடுக்கம் பதிவாகியுள்ளதாக அமெரிக்க புவியியல் ஆய்வு மையம் (USGS) தெரிவித்துள்ளது.
இன்று (29) உள்ளூர் நேரப்படி காலை 7.06 மணியளவில் இந்த நிலநடுக்கம் பதிவாகியுள்ளது. துவால் நகரிலிருந்து சுமார் 270 கிலோமீற்றர் தொலைவில், கடலுக்கு அடியில் 128 கிலோமீற்றர் ஆழத்தில் நிலநடுக்கம் ஏற்பட்டுள்ளதாகத் தெரிவிக்கப்பட்டுள்ளது.
சுனாமி எச்சரிக்கை இல்லை
நிலநடுக்கம் ஏற்பட்ட பகுதியில் சுனாமி எச்சரிக்கை எதுவும் விடுக்கப்படவில்லை. அத்துடன், உயிரிழப்புகள் அல்லது சொத்துச் சேதங்கள் தொடர்பான உடனடித் தகவல்களும் வெளியாகவில்லை.
இலங்கைக்குப் பாதிப்பில்லை
இந்த நிலநடுக்கத்தினால் இலங்கைக்குப் பாதிப்பு ஏற்படவில்லை எனத் தெரிவிக்கப்பட்டுள்ளது.
நிலநடுக்கம் தொடர்பான மேலதிக தகவல்கள் வெளியாகும் நிலையில், அவை தொடர்பில் தொடர்ந்து அவதானம் செலுத்தப்பட்டு வருகின்றது.
