சீன ஜனாதிபதிக்கு வெள்ளை மாளிகையில் பிரமாண்ட அரச விருந்து.!!!
அமெரிக்க ஜனாதிபதி டொனால்ட் ட்ரம்ப், சீன ஜனாதிபதி சி ஜின்பிங்கை நேற்று (24) வொஷிங்டனில் உள்ள வெள்ளை மாளிகையில் அரச விஜயத்திற்காக வரவேற்றுள்ளார்.
இதனைத் தொடர்ந்து, ட்ரம்ப் மற்றும் சி ஜின்பிங் ஆகிய இரு தலைவர்களும் தத்தமது துணைவியார்களுடன் வெள்ளை மாளிகையில் நடைபெற்ற அரச விருந்தில் கலந்துகொண்டனர்.
இந்த அரச விருந்தில் அமெரிக்கா மற்றும் சீனாவைச் சேர்ந்த உயர்மட்ட அதிகாரிகள், வர்த்தகத் துறை பிரதிநிதிகள் உள்ளிட்ட பலரும் பங்கேற்றனர்.
இரு தலைவர்களுக்கும் இடையில் நடைபெற்ற பேச்சுவார்த்தைகளின்போது வர்த்தகம், செயற்கை நுண்ணறிவு, தைவான் உள்ளிட்ட முக்கிய விவகாரங்கள் தொடர்பில் கவனம் செலுத்தப்பட்டதாக தெரிவிக்கப்பட்டுள்ளது.
அத்துடன், அமெரிக்கா–சீனா உறவுகள் தொடர்பில் இரு தலைவர்களும் கருத்துகளைப் பகிர்ந்துகொண்டதுடன், இரு நாடுகளுக்கும் இடையிலான உறவுகளை முன்னெடுத்துச் செல்வதன் முக்கியத்துவத்தையும் வலியுறுத்தியுள்ளனர்.
